Yeh aamaal apnaayen aur Hajj ka sawab paayen – یہ اعمال اپنائیں اور حج کا ثواب پائیں

شریعتِ اسلامیہ میں دینی احکام ومسائل پر عمل کی تاکید کے ساتھ ساتھ ان اعمال کی فضیلت وثواب بیان کرتے ہوئے انسانی نفوس کو ان پر عمل کرنے کے لیے انگیخت کیا گیا ہے۔ یہ اعمال انسانی زندگی کے کسی بھی گوشہ سے تعلق رکھتے ہوں خواہ مالی معاملات ہوں، روحانی یا زندگی کے تعبدی معاملات مثلاً نماز، روزہ، حج زکوٰۃ ودیگر عباداتی امور۔ اس لیے اللہ تعالیٰ نے اپنے بندوں کو یہ اعلیٰ مقام دینے کے لیے کتنے ہی چھوٹے چھوٹے اعمال کا اجر قیام، صیام، حج وعمرہ جیسی بڑی بڑی عبادات کے اجر کے برابر قرار دیا ہے۔ زیر نظر کتاب ’’یہ اعمال اپنائیں اور حج کا ثواب پائیں‘‘ محترم جناب غلام مصطفیٰ کی مرتب شدہ ہے۔ مرتب موصوف نے اس میں قرآن وسنت کی روشنی میں چند ایسے اعمال، افعال اور عبادات کا تذکرہ کیا ہے۔جن کو اپنانے اور بجا لانے سے ایک مسلم ومومن اپنے گھر اور وطن میں رہتے ہوئے بنا کچھ خرچ کیے اور بغیر سفر کی زحمت ومشقف اٹھائے حج بیت اللہ کا ثواب یا عمرہ ادا کرنے کا اجر حاصل کر سکتا ہے۔